(26 июня 2017) Хьамсара мехкахой, бусалба вежарий йижарий! Чакхбаьннаб сийдола параз мархий бутт, цунца цхьана вай параза мархий 1ибадат а.
Вайна хьат1акхаьчар бусалба наьха кертера ц1ей да, «1ийдул-фит1р» (мархий 1ийда). Ер сийрда ц1ей къахетам а камоаршал а яхьаш доаг1а. Ер Даьла хьехаве везаш Далла хам бе безаш ц1ей да. Укх д1абахача бетта вай хьийга къа, вай я 1амал Дала къоабала еш хьалъэцаш ха я ер. Цунга хьажжа хила деза вай а, х1ана аьлча Дала гештдеш а шийгара къахетам гучабоаккхаш а вай к1езигадар дукхадеш къоабала деш а ший камоаршал йоаржаю ха я ер. Х1аьта вай, ч1оаг1аг1а хьашт да гештдарга къинт1ера даларга вас-эг1азло д1аяккхарга.
Дерригаш г1аддаха долаш т1аэца деза вай ер 1ийда. Вайна Дала енна ер хоза ха, доаккхал деш, цучухь вай баьнна аьттув биц ца беш хила деза вай.
Хьмсара вежарий йижарий! Доккха баркал оал аз шаона, шун дин лерх1ама, шун нахацара юкъ-меттиг хилара, къаьстта хьашт долча наха оаш даьча новкъоастала.
Сийдолча Дала оаш даь 1ибадат, шун тоба къобаладеш шо даькъала долда! Дегачура лов сона вай къам машарца, иразаца аьттонца алсамдалар. Вай д1амелхьовзадаьча дикача х1аман т1ехьа аьттув хилба вай. Укх 1ийдан деношка в1ашаг1кхетар товр долаш а дегаг1озле йолаш а хилда вай!
Везача Дала къоабола долда вай марха, мел я дика 1амал. Дала догдоахача дикага кхедолда вай, ду1ашта дизза жоп лулда!
